İran müharibəsi Putinin bu istəyinə son qoydu - KİV
İranda hərbi əməliyyatlar başlamazdan əvvəl Putin Ukraynadakı müharibəyə son qoymağı planlaşdırırdı.
Qanunvehedef.az xəbər verir ki, bu barədə “Nyu York Tayms” nəşri yazıb.
“Fevral ayında Putin ilk dəfə iqtisadi problemlərə diqqət yetirməyə başladı. Bunu onun Ukrayna üzrə baş danışıqlar aparan nümayəndəsi Kirill Dmitriyevin “Rosneft”in rəhbəri və Putinin ən yaxın adamlarından biri olan İqor Seçinlə əvəz edilməsi ilə bağlı müzakirələr göstərdi.
Eyni zamanda, Baş nazir Mişustinin istefası da daxil olmaqla, hökumətdə böyük dəyişikliklər barədə söz-söhbətlər yayıldı.
Vəziyyət 28 fevralda ABŞ və İsrailin İrandakı əməliyyatı başlayanda kəskin şəkildə dəyişdi. Neft qiymətləri 100 dollardan yuxarı qalxdı, ABŞ müvəqqəti olaraq sanksiyaları ləğv etdi və Moskvaya iqtisadi təzyiq qəfildən azaldı. Putinin Ukraynaya güzəşt etmək həvəsi yox oldu. Moskvada isə bir çoxları bunun müvəqqəti olduğunu düşünür - İrandakı müharibə may ayına qədər bitə bilər və sanksiyalar qayıdacaq”, - nəşr bildirib.
Qanunvehedef.az
