Haspel Haşoqqinin işgəncə ilə öldürüldüyü anın səs yazısına qulaq asıb

ABŞ-ın Mərkəzi Kəşfiyyat İdarəsinin (MKİ) direktoru Cina Haspel jurnalist Camal Haşoqqinin Səudiyyə Ərəbistanının İstanbuldakı Baş Konsulluğunda qətlinin araşdırılması üçün Türkiyəyə səfər edib.
Qanunvehedef.az nypost-a istinadla xəbər verir ki, Cina Haspel Camal Haşoqqinin işgəncə ilə öldürüldüyü anın səsyazısına qulaq asıb.
Bu barədə məlumat The Washington Post-da qeyd olunub.
Qeyd edək ki, İstanbuldakı baş konsulluğa girən Haşoqqinin qolunda "Apple" "smart" saatı olub. O, konsulluğa daxil olarkən mobil telefonunu nişanlısına verib. Haşoqqinin qol saatına düşən səs yazısı "iPhone"u ilə sinxronizasiya edilib.