ABŞ-ın Qarabağın həlli üçün Nikola təklif etdiyi – Plan
Baxılıb: 590 Tarix: 06-11-2018 11:52
ABŞ Prezidentinin milli təhlükəsizlik üzrə müşaviri Con Boltonun İrəvana səfəri zamanı Ermənistana Dağlıq Qarabağ konfliktinin həll formulu təklif edilib. Bu formula əsasən, Azərbaycanın işğal edilmiş ərazilərində İrana təzyiq üçün ABŞ bazaları yaradılacaq.
Qanunvehedef.az xəbər verir ki, bunu “Rossiya 1” televiziyasında yayımlanan “Vladimir Solovyevlə axşam” verilişində çıxışı zamanı Xəzər Əməkdaşlığı İnstitutunun Baş direktoru Sergey Mixeyev deyib. Onun sözlərinə görə, Ermənistanda məxməri inqilab Vaşinqtonun rəhbərliyi ilə reallaşdırılıb:
“Ermənistanda indi hakimiyyət dəyişikliyinin amerikalılarla əlaqəli olmadığı deyilir. Bu, əslində belə deyil. Hər kəsə aydındır ki, Ermənistanda ABŞ-ın himayəsində olanların sayı çoxdur.
ABŞ-a hazırda İrana qarşı hərbi təzyiq üçün plasdarm lazımdır. Məhz bunun üçün onlar Dağlıq Qarabağ konfliktinin həllində fəaliyyətlərini aktivləşdiriblər. Onların Qarabağın həlliylə bağlı öz planları var. Əvvəlcə işğal edilmiş rayonlar qaytarılacaq. Bundan sonra buraya ABŞ-ın sülhməramlı qüvvələri yeridiləcək. Bu da İrana təzyiq üçün mövqe olacaq.
İrəvanın buna gedib-getməyəcəyi bilinmir, amma Boltonun səfəri zamanı Ermənistan bu təklif edilib”.
Ən çox oxunanlar
Son xəbərlər
