Gürcüstan MSK vətəndaşlara çağırış etdi

Gürcüstanın Mərkəzi Seçki Komissiyası prezident seçkilərinin ikinci turunda vətəndaşları fəallıq nümayiş etdirməyə çağırıb.
Qanunvehedef.az xəbər verir ki, bu barədə Mərkəzi Seçki Komissiyasının spikeri Anna Mikeladze danışıb.
“Xatırladım ki, bu gün qeyri-iş günüdür. Biz bütün vətəndaşları fəallıq nümayiş etdirməyə çağırırıq. Sizin hər birinizin səsi çox vacibdir”, - Mikeladze bildirib.
Qeyd edək ki, bu gün Gürcüstanda prezident seçkilərinin ikinci turu keçirilir. İkinci turda birləşmiş müxalifətin namizədi Qriqol Vaşadze ilə hakim Gürcü Arzusunun dəstəklədiyi Salome Zurabişvili mübarizə aparır.