Qonşuda seçki: Seçici aktivliyi açıqlandı

Gürcüstanda seçkidə saat 10:00-a olan aktivliyin faizləri açıqlanıb.
Qanunvehedef.az xəbər verir ki, indiyə qədər olan aktivlik 7,26% olub. Məntəqələrdə 255 min seçici səs verib.
Hakim Gürcü Arzusu Partiyasının nümayəndəsi, vitse-spiker Tamara Cuqoşvili seçkiylə bağlı bəyanat yayıb. O, siyasətçiləri ikinci turda məsuliyyətli olmağa və provokasiyalara yol verməməyə çağırıb.
Artıq seçkidə Baş nazir Mamuka Baxtadze və Saakaşvilinin həyat yoldaşı Sandra Rulofs iştirak edib.

Saat 12:00-a olan seçki aktivliyi 19,6% təşkil edib.
Bunu jurnalistlərə açıqlamasında Gürcüstan Mərkəzi Seçki Komissiyasının mətbuat katibi Anna Mikeladze deyib. O, seçkidə 688.551 nəfərin iştirak etdiyini bildirib.
Ən böyük aktivlik Kareli şəhərində (23,5%), ən aşağı aktivlik isə Salka (12,2%) şəhərində qeydə alınıb.