Ukraynanın rus kişilərə qadağasına Kadırovun cavabı

Ukrayna Prezidenti Poroşenkonun rusiyalı kişilərin ölkə ərazisinə girişinə qadağa qoyması milyonlarla insanın haqqının kobud və qeyri-insani məhdudlaşdırılmasıdır.
Qanunvehedef.az xəbər verir ki, bu sözləri Çeçenistan rəhbəri Ramzan Kadırov Poroşenkonun Rusiya vətəndaşı olan kişilərin casusluq səbəbindən ölkə ərazisinə girişinə qadağa qoyması ilə bağlı qərarına münasibət bildirərkən deyib.
Kadırovun sözlərinə görə, Poroşenko ukraynalıları vətəndən, doğmaları ziyarətdən məhrum edib, onlara dünyasını dəyişənlərin qəbri üstə gül qoymasını qadağan edib.
“Poroşenkonun bu addımına cavab olaraq isə bizim dövlətin rəhbəri Putin Ukrayna vətəndaşlarının yolunu bağlamadı ki, minlərlə ailə ac qalmasın. Amma Qərb Poroşenkonun buna görə əlini sıxacaq, baxmayaraq ki, bu qərar milyonlarla insanın haqqının kobud və qeyri-insani məhdudlaşdırılmasıdır”, - Kadırov deyib.
Qeyd edək ki, Ukrayna Prezidenti Poroşenko Rusiya vətəndaşı olan 16-60 yaşlı kişilərin ölkəyə girişinə məhdudiyyət qoyub.шаблоны для dle 11.2