Tramp iddiaları təsdiqlədi: Mettis istefaya gedir

Pentaqonun rəhbəri Ceyms Mettis gələn ilin fevral ayının sonunda istefaya gedəcək.
Qanunvehedef.az xəbər verir ki, bu barədə ABŞ Prezidenti Donald Tramp Tvitter hesabında yazıb.
“Ceyms Mettis fevralın sonunda istefaya gedəcək. Ceymsin vəzifədə olduğu müddətdə xüsusən ABŞ Silahlı Qüvvələri üçün hərbi texnika alınması sahəsində böyük uğura nail olundu”, - Tramp bildirib.
ABŞ prezidenti həmçinin yaxın vaxtlarda Mettisin yerinə namizədin kimliyinə də aydınlıq gətiriləcəyini söyləyib.
Qeyd edək ki, ötən gün “Vaşinqton Post” nəşri Mettisin Trampla Suriyadan ABŞ ordunun çıxarılması məsələsindəki fikir ayrılıqlarına görə istefaya gedə biləcəyini yazmışdı.