Çinin uyğur türklərinə zülmü davam edir - Sayları 3 milyona çatdı
Baxılıb: 396 Tarix: 01-01-2019 14:22
"Çinin Şərqi Türkistan bölgəsində toplama düşərgələrində saxlanılan uyğurların sayı 3 milyona çatıb". Qanunvehedef.az yeniavaz.com-a istinadən xəbər verir ki, bunu Dünya Uyğur Konqresi sədri İsa Dolkun deyib. İ.Dolkunun sözlərinə görə, təşkilatın əlində düşərgələrdə həyatını itirən 350 nəfərin adı var: "Burada ölü sayısının tam nə qədər olduğunu bilmirik. Əlimizdə yalnız 350 nəfərin adı var. Çox sayda insanın intihar etdiyi və bir çox insanın da xəstəlik səbəbi ilə həyatını itirdiyi məlumdur. 78 yaşlı anam da bu ilin iyun ayında düşərgədə həyatını itirib. Düşərgədə 80, hətta 90 yaşında uyğurlar belə var".İ.Dolkun BMT-nin Çinə qarşı konkret addımlar atmamaqda ittiham edir. Onun sözlərinə görə, Türkiyə hökumətindən gözlədikləri dəstəyi də ala bilmirlər: "Türkiyədə 50-60 min uyğur yaşayır amma onların ailələri, yaxınları və qohumları həmin düşərgədədir. Türkiyə BMT-də bu barədə narahatlığını dilə gətirdi amma bu çox zəif reaksiyadır. Həmin düşərgələrdə uyğurlar psixoloji və fiziki işkəncələrə məruz qalır. Şərqi Türkistanlıların "çinliləşdirilir", komunistləşdirilir, milli və dini mənsubiyyəti unutdurulmağa çalışılır. Məhz bu səbəbdən Türkiyə hökumətinin daha aktiv olmasını gözləyirik".
Ən çox oxunanlar
Son xəbərlər
