Müsəlmanlardan təqdirəlayiq addım: Yanvarın 1-dən...

İngiltərədə yaşayan müsəlmanlar təqdirəlayiq hərəkətləri ilə ölkənin gündəminə gəliblər.
Milli.az xəbər verir ki, 2019-cu ilin yanvar ayının 1-də səhər tezdən küçələrə çıxan müsəlmanlar şəhəri təmizləyiblər.
Əhmədiyyə Müsəlman Gənclər Birliyinin (AMYA) 1000 nəfərə yaxın üzvü Britaniyanın böyük şəhərlərinin mərkəzi küçələrinə yığışaraq Yeni il gecəsi şəhəri zibilləyənlərin qalıqlarını təmizləyiblər. Onlar London, Bolton, Qlazo, Kardif, Kroydon və başqa şəhərlərində təmizlik işləri aparıblar.
Müsəlmanlar yerə atılan sellofan paketləri, şampan qapaqlarını, butulkalarını və başqa qalıqları yığaraq zibil qablarına atıblar.
"İslam dini hər bir müsəlmanı bir-birinə yardım etməyə, xeyirxahlığa və təmizliyə çağırır", - deyə AMYA nümayəndəsi bildirib.
Qeyd edək ki, 2018-ci ildə AMYA üzvləri Britaniyada 20 mindən çox ağac əkiblər.