Tramp AB-nin ABŞ ofisinin statusunu aşağı saldı
Baxılıb: 520 Tarix: 08-01-2019 16:22
Donald Tramp administrasiyası Avropa Birliyinin ABŞ-dakı Nümayəndəliyinin diplomatik statusunu aşağı salıb. Qanunvehedef.az xəbər verir ki, bu məlumatı “Doyçe Velle” yayıb. Məlumata görə, ABŞ bu addımı Brüsselə heç bir xəbərdarlıq etmədən atıb.
Radio bu addımın AB rəhbərliyi tərəfindən yaxşı qəbul edilmədiyini bildirib.
İddialara görə, AB nümayəndəliyinin diplomatik statusu 2018-ci ilin noyabrında aşağı salınıb. Məhz bu tarixdə nümayəndəliyin rəhbərliyi Vaşinqtonda keçirilən bir sıra tədbirlərə dəvət almayıb. Bundan sonra nümayəndəlik əməkdaşları ABŞ Dövlət Departamentinə müraciət etsə də, orada məlumat verməyi unutduqlarını deyiblər.
Qeyd edək ki, AB-nin Vaşinqton Nümayəndəliyi 1965-ci ildən bu yana mövcuddur.
Ən çox oxunanlar
Son xəbərlər
