Ruslar Kremlin yanlış siyasət yürütdüyünü düşünür - Sorğu

Rusiyalıların 45%-i Moskvanın doğru yolda olmadığını düşünür.
Qanunvehedef.az xəbər verir ki, bu nəticə “Levada Çentr” şirkətinin keçirdiyi sorğudan sonra ortaya çıxıb. Şirkət əhalinin hazırkı narazılığının 2006-cı ildən bu yana maksimum səviyyəyə çatdığını açıqlayıb. Belə ki, keçən illə müqayisədə ölkənin yanlış yolda olduğunu düşünənlərin sayı 16% artıb.
Dövlətin doğru istiqamətdə olduğunu düşünənlərin sayı 42% təşkil edib.
Prezident Vladimir Putini 64% respondent dəstəkləyib. Ona qarşı çıxanların sayı 34% təşkil edib.
38% isə Rusiya hökumətini dəstəkləyib, 61% isə hökumətdən narazı olduğunu deyib.