“Terrorçuların elitası” İrəvana sərt müqavimət qərarı verdi

Ermənistan və qondarma Qarabağ rejiminin “elitası” arasında parçalanma artıb.
Qanunvehedef.az xəbər verir ki, bu məlumatı “Qraparak” qəzeti yayıb.
“Nikol Paşinyan bu xətti şəxsən özü həyata keçirib və Qarabağın rəhbərliyini Qarabağ konfliktinin həllindən təcrid etməyi bacarıb. Bir tərəfdən İrəvan Qarabağın danışıqların tərəfi olması üçün əlindən gələni etdiyini deyir, digər tərəfdən isə İrəvan Qarabağ rəhbərliyi ilə əlaqələri kəsir. İş ondadır ki, Serj Sərkisyan ənənə formalaşdırıb. Belə ki, o, Qarabağ konflikti ilə bağlı bütün vacib xarici görüşlərindən sonra Qarabağın yerli elitası ilə görüş təşkil edirdi, amma Paşinyan belə görüşlər aparmır. İlkin dönəmdə hökumət və Qarabağ elitası əlindən gələn hər şeyi etdi ki ki, bir-birinin xeyrinə addım atsınlar, lakin hansısa dönəmdən sonra başqa taktikanı seçdilər.
Elita qərar verib ki, onların daxili həyatına müdaxilə olacağı təqdirdə erməni hakimiyyətinə sərt müqavimət göstərsinlər”, – deyə o bildirib.