Erməni deputat modelliyə başlayır

Çiçəklənən Ermənistan Partiyasının deputatı Naira Zöhrabyan tezliklə modelliyə başlayacaq.
Qanun xəbər verir ki, bu məlumatı “Qraparak” qəzeti yayıb. Qəzet deputatın “Shadoyan Fashion” atelyesi ilə əməkdaşlıqdan sonra Fransanın dizayn şirkətlərindən birindən bu kampaniyanın siması olmaqla bağlı təklif aldığını bildirib:
“Bu şirkətin direktoru martda İrəvana gələcək ki, Zöhrabyanla müqavilənin şərtlərini müzakirə etsin. “Shadoyan Fashion” atelyesindən fərqli olaraq deputat budəfəki fəaliyyətini pulsuz həyata keçirməyəcək”.
Qeyd edək ki, Zöhrabyan həm də Çiçəklənən Ermənistan Partiyasının liderlərindən sayılır. O, Ermənistanın Avropa Şurası Parlament Assambleyasında əsas təmsilçilərindən biri olub.