ABŞ Rusiyanı silkələyəcək sanksiyaları yumşaltdı

ABŞ Rusiya banklarına qarşı tətbiq edəcəyi potensial sanksiyalar barədə qanun layihəsi olan DASKA-nın (Kremlin aqressiyasından Amerika təhlükəsizliyinin müdafiəsi haqqında) yeni versiyasını bir qədər yumşaldıb.
Qanunvehedef.az xəbər verir ki, qanun layihəsinin yeni mətnindən sanksiya tətbiq edilməsi nəzərdə tutulan Rusiya banklarının adları çıxarılıb. Bununla bərabər qanun layihəsində ABŞ Prezidentinin dünyanın istənilən yerində demokratik proseslərə müdaxilədə iştirak edən rus banklarına sanksiya tətbiq etmək haqqının olduğu vurğulanıb.
Qeyd edək ki, DASKA qanun layihəsinin bundan öncəki mətnində ABŞ-ın “Vneşekonombank”, “Sberbank”, VTB, “Qazprombank”, “Moskva Bankı”, “Rosselxozbank” və “Promsvyazbankı”nın aktivlərinin və əməliyyatlarının bloklanması nəzərdə tutulmuşdu.