Trampın terrorçularla bağlı təhdidinə - Cavab

İŞİD-çi terrorçular Suriyada qalmalı və mümkünsə, orada mühakimə edilməlidir.
Qanunvehedef.az xəbər verir ki, bu sözləri Belçika Baş naziri Çarls Mişel ABŞ prezidentinin sözlərinə cavab olaraq deyib. O bildirib ki, beynəlxalq toplum bu yöndə vahid mövqe sərgiləməlidir.
Mişel İŞİD-çilər üçün xüsusi məhkəmələrin qurulması seçiminin da olmasını istisna etməyib.
Qeyd edək ki, ABŞ Prezidenti Donald Tramp Tvitter mikrobloqunda Suriyada yaxalanan 800 Avropa əsilli İŞİD-çinin məhz qoca qitədə, mənsub olduğu ölkələrdə mühakimə edilməsinin vacibliyini qeyd etmişdi.
O, belə olmayacağı təqdirdə saxlanılan terrorçuların azadlığa buraxılacağı ilə bağlı qarşı tərəfə təhdid ünvalamışdı.