Britaniya səfiri açıqladı: Skripallar sağdır

Böyük Britaniyanın Solsberi şəhərində zəhərlənən Rusiya Baş Kəşfiyyat İdarəsinin keçmiş zabiti Sergey Skripalla qızı Yuliya sağdır və təhlükəsiz yerdədir.
Qanunvehedef.az xəbər verir ki, bu sözləri Böyük Britaniyanın Rusiyadakı səfiri Lori Bristou deyib.
“Mən onların sağ olduğunu təsdiqləyə bilərəm”, - Bristou bildirib.
Diplomat həmçinin Rusiya səfirliyinin onlarla görüşmək tələbini Skripallara çatdırdığını qeyd edib. Səfirin sözlərinə görə, Sergey və Yuliya Skripallar özləri rus səfirlə görüşmək istəmir.