Türk deputatdan Xocalı mesajı: Əlimizdən gələni edəcəyik

Bütün dünyanın gözü qarşısında bir soyqırım gerçəkləşdirildi. Bu soyqırımda 613 bacı-qardaşımız şəhid edildi. 27 il əvvəl baş vermiş bu hadisə mədəniyyətin beşiyi dedikləri Avropada baş versəydi, bütün dünya ayağa qalxardı.
Qanunvehedef.az xəbər verir ki, bu sözləri AKP-nin Ordu millət vəkili Mətin Gündoğdu deyib.
“Lakin nə yazıq ki, bu soyqırım rusların dəstəyilə ermənilər tərəfindən törədiləndə dünya buna səssiz qaldı. Görmədi, eşitmədi. Müsəlman-türk coğrafiyasında törədilən cinayətlərə Avropa heç vaxt səs vermədi. Ermənilərə soyqırım edilmədiyini bilə-bilə iddia qaldırdılar. Özləri isə dünyanın gözü qarşısında törədilmiş Xocalı soyqırımını görməzdən gəldilər. Görmək istəmirlər. Bu qətliamın dünyaya çatdırılması üçün əlimizdən gələni edəcəyik”, - millət vəkili bildirib.