ABŞ-da erməni polis həmkarlarını mafiyaya satırmış

ABŞ-ın Kaliforniya ştatında Qlendeyl şəhər polisinin narkotiklərlə mübarizə idarəsinin keçmiş əməkdaşı erməni əsilli Con Balyan 3 il müddətinə həbs edilə bilər.
Qanunvehedef.az xəbər verir ki, prokurorluq məhkəmədən 46 yaşlı erməninin 3 il müddətinə həbs edilməsi və 95 min dollar cərimə edilməsini tələb edib.
Qeyd edək ki, ötən il həbs edilən Con Balyan Meksika mafiyası və erməni kriminal qrupları ilə əlaqələri barədə saxta informasiya verdiyini təsdiqləyib. İttihamçı tərəfin sözlərinə görə, Balyan cinayətkar dəstənin bir neçə üzvü ilə əlaqədə olub, onlardan pul alaraq, əvəzində polisin keçirəcəyi reydlər barədə məlumat ötürüb.