Dünyada varlıların sayı ən çox bu ölkədə artıb - Hesabat
Baxılıb: 376 Tarix: 07-03-2019 11:36
2018-ci ildə dünyada 30 milyon dollardan çox sərvəti olan şəxslərin (multi-milyoner) sayı ən yüksək templə Rusiyada artıb.
Qanunvehedef.az xəbər verir ki, bu məlumat “Knight Frank” konsaltinq şirkətinin hazırladığı “The Wealth Reрort 2019” hesabatında yer alıb. Hesabata əsasən, Rusiyada bu tip milyonçuların sayı 1500-ə qədər yüksəlib. Bu isə keçən ilki göstəricidən 7% çoxdur.
Hesabatda həmçinin Rusiyanın milyarderlərin sayına görə dünyada 5-ci yerdə qərarlaşdığı bildirilib. Şirkətin analitikləri Rusiyanın bu mövqeyi yaxın 5 il ərzində qoruyub saxlayacağını bəyan ediblər.
Hesabatda ümumilikdə dünyada 30 milyon dollardan çox sərvəti olan şəxslərin 198.342 nəfər təşkil etdiyi vurğulanıb. Bu siyahıda ilk yeri ABŞ, ondan sonrakı yeri isə Yaponiya və Almaniya tutub.
Ən çox oxunanlar
Son xəbərlər
