Muradov İrəvana getdi – “Yubiley” keçirilir
Baxılıb: 414 Tarix: 29-03-2019 13:01
Rusiyanın anneksiya etdiyi Krımın Nazirlər Şurası sədrinin müavini Georgi Muradov İrəvana gəlib.
Qanunvehedef.az xəbər verir ki, onun bu gün İrəvanda Krımın Rusiyanın tərkibinə daxil olmasının 5 illiyi ilə bağlı təşkil ediləcək tədbirdə iştirak etməsi nəzərdə tutulub.
Ermənistan Xarici İşlər Nazirliyi isə artıq bəyanat yayaraq, Muradovun Ermənistana rəsmi dəvətlə gəlmədiyini bildirib. Ermənistan XİN-in mətbuat katibi Anna Naqdalyan Ermənistanın viza rejiminə əməl edən hər kəs üçün açıq olduğunu deyib. Bununla belə Naqdalyan niyə Ermənistanda Krımın qanunsuz anneksiyasının qeyd edildiyi məsələsinə aydınlıq gətirməyib.
Qeyd edək ki, Krım Ukrayna ərazisidir. Bu yarımada 2014-cü ildə Rusiyaya anneksiya edilib. Anneksiyadan dərhal Ukrayna Rusiya ilə əlaqələrini demək olar ki, dayandırıb.
Moskvanın anneksiyasına ABŞ, Avropa Birliyi və digər ölkələr sərt sanksiyalarla cavab veriblər.
Ukrayna artıq beş ildir Krımın anneksiyası ilə bağlı məsələni BMT Baş Assambleyasının səsverməsinə çıxarır. Bu səsvermədə Ermənistan daim Rusiyanın yanında yer alır.
Ən çox oxunanlar
Son xəbərlər
