Poroşenko: İkinci tura marionetka ilə qaldım

Ukrayna Prezidenti Pyotr Poroşenko prezident seçkisində ikinci tura çıxdığını bildirib.
Qanunvehedef.az xəbər verir ki, bu sözləri o, təşkil etdiyi brifinqdə deyib. Poroşenko ikinci turda rəqibinin biznesmen İqor Kolomoyskinin marionetkası olduğunu deyib:
“Bu seçkidə Kreml, onun agenturası və qaçqın oliqarxlar dəlicəsinə azğınlaşıblar. Onlar tam nəzarəti itiriblər. Tale məni ikinci tura Kolomoyskinin marionetkası ilə gətirdi. Kolomoyskiyə bir şans belə verməyəcəyik”, – deyə o bildirib.
Zelenski Poroşenkonun bu ifadəsindən dərhal sonra ona cavab verib:
“Bizim zəmanətçimizin (Prezident nəzərdə tutulur – red.) mətbuat konfransını gördüm. O, yenə mənim Kolomoyskinin marionetkası olduğumu dedi. Əgər zəmanətçi belə deyirsə, neyləmək olar? Ona görə də mənim bir sualım var və məncə, o bunu görəcək. Siz Svinarçukun marionetkasınız, yoxsa Svinarçuk sizin marionetkanızdır?”