Son nəticə: CHP İstanbulu da AKP-dən aldı - Sensasiya

Türkiyə Ali Seçki Qurumu İstanbuldakı bələdiyyə seçkisindəki səslərin 99,63%-ni hesablayıb.
Qanunvehedef.az “Sözcü” qəzetinə istinadən xəbər verir ki, qurumun son hesablamlarına əsasən, CHP-nin İstanbul bələdiyyəsi vəzifəsinə namizədi Əkrəm İmamoğlu seçki yarışında irəliyə keçib. Qəzet qurumun saytında İmamoğlunun 48,8% səs topladığı informasiyasının yer aldığını qeyd edib. Binəli Yıldırımın səsləri isə 48,48% təşkil edib.
İmamoğlunun ümumilikdə 4 milyon 155 min 141 səs, Yıldırımın isə 4 milyon 127 min 770 səs topladığı vurğulanıb. Tərəflər arasında səs fərqi 27.371 təşkil edib.
Qeyd edək ki, rəsmi rəqəmlər hələ açıqlanmasa da, Binəli Yıldırım İstanbulda qələbə qazandığını açıqlayıb. CHP-nin namizədi Əkrəm İmamoğlu isə özünün 4 milyon 167 min 752 səs, rəqibi B.Yıldırımın isə 4 milyon 139 min 833 səs topladığını açıqlayıb.
***
Türkiyənin nüfuzlu Dəmirörən Xəbər Agentliyi CHP-nin İstanbulda bələdiyə sədrliyinə namizədi Əkrəm İmamoğlunun seçkilərdə öndə olduğunu iddia edib.
Nəşr Türkiyənin Yüksək Seçki Qurumunun (YSK) nəticələrinə əsasən bu iddia ilə çıxış etdiyini açıqlayıb.
YSK-nın rəsmi saytındakı məlumata görə, Əkrəm İmamoğlu səslərin 48.8 faizini toplayıb. AKP namizədi Binəli Yıldırım isə 48.48 faiz səsə sahib olub. İmamoğlu 4 milyon 155 min 141 səs, Yıldırım isə 4 milyon 127 min 770 səs qazanıb. Aradakı fərq 27 min 371-ə bərabər olub.
31 min 186 sandıqdan 31 min 70-i açılıb.
Nəşr xəbərin təsdiqi kimi YSQ-nin rəsmi nəticəsinin skrinini də paylaşıb.
Qeyd edək ki, YSQ-nin rəsmi saytına giriş güclü yüklənmə səbəbindən dayanıb.
***
Hazırda İstanbulda sayılmayan 89 sandıq qalıb.
Bu sözləri Türkiyənin Yüksək Seçki Qurumunun sədri Sadi Güvən deyib.
“Hazırki nəticələrə görə, Əkrəm İmamoğlu 4 milyon 159 min 650 səs, Binəli Yıldırm 4 milyon 131 min 761 səs toplayıb”, - Güvən bildirib.
***
Türkiyədə bələdiyyə seçkilərində iştirak edən seçicilərin 99,81%-nin səsi açıqlanıb.
Bu nəticə ilə İstanbulda Ə.İmamoğlu 48,79%, B.Yıldırım isə 48,51% səs toplayıb.
шаблоны для dle 11.2