Qazaxıstan Rusiyanın AES təklifindən imtina edir

Qazaxıstanda atom elektrik stansiyası tikilməyə bilər. Belə ki, hazırda Qazaxıstanda kifayət qədər elektrik enerjisi istehsal olunur.
Qanunvehedef.az xəbər verir ki, bunu jurnalistlərə açıqlamasında Qazaxıstanın Energetika naziri Maqzum Mirzəqaliyev deyib. O, bu məsələnin həllində Qazaxıstan vətəndaşlarının mövqeyinin nəzərə alınacağını bildirib:
“Bu məsələ bir neçə ildir müzakirə edilir və hələ də həllini tapmayıb. Qərarın yaxın zamanlarda qəbul olunacağını deyə bilmərəm”.
Qeyd edək ki, Qazaxıstanda atom elektrik stansiyası tikilməsi təklifi Rusiya tərəfindən verilib.