Babayan “Qarabağa görə” Nikola savaş elan etdi

Qarabağ separatçılarının keçmiş “müdafiə naziri” Samvel Babayan Ermənistanın yeni hökumətinə qarşı fəaliyyətə başlayıb.
Qanunvehedef.az xəbər verir ki, bu məlumatı “Past” qəzeti yayıb. Məlumata görə, Babayan artıq bir aydır İrəvanda və Azərbaycanın işğal altında saxlanılan Qarabağ ərazisində görüşlər keçirir.
“Bu görüşlər açıq antipaşinyan xarakteri daşıyır. Xüsusilə bu günlərdə Samvel Babayan qarabağlılarla görüşü zamanı Paşinyanı yanlış istiqamətdə danışıqlar aparmaqda ittiham edib. Bu da göstərir ki, Babayan da artıq “torpaqların verilməsi” nəzəriyyəsini irəli sürənlərə qoşulub və özünü Paşinyanın qarşısını ala biləcək yeganə kişi kimi göstərir. Baş naziri artıq dəfələrlə Samvel Babayanın ciddi başağrısı olacağıyla bağlı xəbərdar ediblər”, - məqalədə bildirilib.
Qeyd edək ki, bundan öncə Babayan qondarma rejimdə baş tutacaq “prezident seçkisi”nə qatılmaq istədiyini açıqlayıb.