“Ərəb NATO-su” yaranmamış dağılır – İran qorxusu?

Misir hökuməti ABŞ rəsmilərinə Yaxın Şərq strateji alyansında (MESA) iştirak etmək niyyətində olmadıqlarını bildirib.
Qanunvehedef.az xəbər verir ki, bu məlumatı “Röyter” agentliyi yayıb. Məlumata görə, Misir rəhbərliyi ABŞ rəsmilərinə “Ərəb NATO-su”na qoşulmaqla İranla münasibətlərini kəskinləşdirəcəyindən qorxduğunu çatdırıb. Digər tərəfdən rəsmi Qahirə Trampın seçkidə uduzacağı təqdirdə ərəb alyansının təhdid altında qalacağını iddia edib.
Qeyd edək ki, “Ərəb NATO-su” anlayışını 2017-ci ildə Səudiyyə Ərəbistanı İrana qarşı təklif edib. Bu ittifaqın tərkibinə İordaniya, BƏƏ, Səudiyyə Ərəbistanı, Bəhreyn, Küveyt, Oman və Qətər daxil olmalıdır.
Maraqlıdır ki, “Ərəb NATO-su” haqqında bu informasiya Misir Prezidenti Əbdülfəttah Sisinin Ağ Evə səfərindən bir gün sonra yayılıb.шаблоны для dle 11.2