Paşinyan Medvedyevin onu ələ salmasından yazdı.

Ermənistan Baş naziri Nikol Paşinyan rusiyalı həmkarı Dmitri Medvedyevin ötən gün keçirilən Avrasiya İttifaqı Hökumətlərarası Şurasının iclasından yayılan video ilə bağlı açıqlama yayıb.
Qanunvehedef.az xəbər verir ki, sosial şəbəkələrdə sürətlə yayılan və Paşinyanın ələ salındığını əks etdirən video haqda erməni baş nazir qeyd edib:
“İndicə Feysbuka daxil oldum və gözlərimə inanmadım ki, korrupsion sistemin qalıqları bu cür asanlıqla sosial şəbəkələrdə “fırtına” qaldıra bilirlər”.
Onun sözlərinə görə, Şuranın iclası zamanı yalnız Medvedyev deyil, özü də daxil olmaqla bütün digər baş nazirlər kofe-breyk otağına bir dəqiqə daha tez keçməyə ümid edib. Ancaq müzakirələr planlaşdırılandan 2.5 saat artıq çəkib.
Xatırladaq ki, Rusiyanın Baş naziri Dmitri Medvedyev Ermənistanın Baş naziri Nikol Paşinyana lağ edib. Diplomatik etika çərçivəsindən kənara çıxan kuryoz hadisə İrəvanda baş verib.