Rusiya və Belarus birləşir: Bu ölkə narahatdır

Riqanı Minsk və Moskvanın inteqrasiyasının dərinləşməsi narahat edir, amma biz yenə də heç nədən qorxmuruq.
Qanunvehedef.az xəbər verir ki, bunu Latviya Xarici İşlər naziri Edqar Rinkeviç deyib.
“Bizi Rusiya-Belarus münasibətlərindəki inkişaf, xüsusilə, inteqrasiyanın dərinləşməsi narahat edir. Biz heç nədən qorxmuruq, biz sadəcə prosesləri izləyirik. Hesab edirəm ki, inteqrasiya prosesi Belarusdakı tərəfdaşlarımızın əlində olmalıdır”, – deyə o bildirib.
Qeyd edək ki, 2018-ci ilin sonunda Moskva və Minsk iki ölkə arasında problemli məsələlərin həlli və inteqrasiyanın inkişafı üçün işçi qrupunun yaradılması barədə razılaşıblar. Tərəflər dekabrın əvvəlinə qədər inteqrasiyanın inkişafı üzrə fəaliyyət proqramının hazırlanması barədə razılaşıblar.