Qarabağ savaşı böyüsə... - Areşidze

 

Əgər Ermənistan-Azərbaycan konflikti bir neçə gün ərzində dayanmasa, genişmiqyaslı savaşa keçsə, bu o deməkdir ki, ona bütün region, o cümlədən Gürcüstan cəlb ediləcək.
Qanunvehedef.az xəbər verir ki, bunu gürcü ekspert Mamuka Areşidze deyib.
“Bugünkü vəziyyəti çox ağır dəyərləndirərdim. Düşünürəm ki, Qarabağ konfliktinin aktivləşməsi və döyüş fazasına keçməsi böyük oyunçuların təşəbbüsü ilə baş verir. Burada Türkiyə, Rusiya və digərlərinin əlinin olmasını təsdiq edə bilmərəm. Əgər Ermənistan-Azərbaycan konflikti bir neçə gün ərzində dayanmasa, genişmiqyaslı savaşa keçsə, bu o deməkdir ki, ona bütün region, o cümlədən Gürcüstan cəlb ediləcək. Humanitar və iqtisadi nöqteyi-nəzərdən region üçün fəlakət təhdidi var. Bunun belə olacağını deyə bilmərəm, amma hazırkı vəziyyətin məntiqi bunu deməyə əsas verir”, – deyə o bildirib.