Qarabağın işğaldan azad olunması İrəvana xeyirdir – Ankara

Azərbaycan ərazilərinin işğaldan azad olunması Ermənistanın da xeyrinədir.
Qanunvehedef.az xəbər verir ki, bu sözləri Türkiyə Prezidenti Rəcəb Tayyib Ərdoğanın sözçüsü İbrahim Qalın deyib.
Qalın Azərbaycan ərazilərinin işğalının sona çatmasının həm ölkəmizin, həm də Ermənistanın maraqlarına cavab verdiyinin səbəbini belə izah edib:
“Müharibə bitərsə, Ermənistan iqtisadiyyatı inteqrasiya sayəsində zənginləşəcək, həm də dünyanın ən ciddi münaqişələrindən biri sona çatacaq”.
O qeyd edib ki, bu işğal Ermənistana heç bir şəkildə kömək etmir.
Qalın Türkiyə və Azərbaycanla münasibətlərin normallaşmasının Ermənistan üçün ən rasional addım olacağını vurğulayıb:
“Nədənsə Ermənistan belə düşünmür. Əslində, özlərinə zərər verirlər deyərəm”.шаблоны для dle 11.2