Şuşa verilibsə, bu cəsədlər haradandır? - Paşinyan

Səhər “artsax” (keçmiş qondarma “dqr” nəzərdə tutulur – red.) rəhbərinin qeydində oxudum ki, Şuşa müdafiəçilərinin 150-dən çox cəsədi aşkar edilib. Şuşa xəyanətlə verilibsə, bu cəsədlər haradandır? Onlar kimin əmri ilə və niyə mübarizə apardılar?
Qanunvehedef.az xəbər verir ki, bunu Ermənistanın Baş naziri Nikol Paşinyan mətbuat konfransı zamanı deyib.
“Şuşanın xəyanət nəticəsində təhvil verilməsi ilə bağlı iddiaların müəllifləri konkret məlumat vermirlər. Bu məğlubedilməz şəhər diversiya qruplarının əraziyə keçməsi ilə alınıb”, - o deyib.
Paşinyan bildirib ki, Ermənistan 7 rayon, üstəlik Şuşanın Azərbaycana verilməsinə razı olsaydı, müharibənin qarşısını almaq olardı:
“Amma bu, bizim yürütdüyümüz siyasətə uyğun deyildi. İndi isə əraziləri təhvil vermək bahasına müharibəni dayandırmaq istəyənlər məni xəyanətdə ittiham edirlər”.
Paşinyanın fikrincə, danışıqlar prosesini sonsuza qədər uzatmaq mümkün deyildi və 2016-cı ilin aprelində bu məsələ çat vermişdi. Həmin çat bağlanmadı deyə, məsələnin hərbi həlli ön plana çıxdı.шаблоны для dle 11.2