Leysan yağışları Qobustanda ciddi fəsadlar törətdi
Baxılıb: 1 180 Tarix: 16-07-2020 10:42
Ötən gün Qobustan rayonuna yağan leysan yağışları bir sıra ərazilərdə fəsadlar törədib.
Rayon fövqəladə hallar komissiyasından Qanunvehedef.az-a bildirilib ki, leysan nəticəsində yaranan sel suları nəticəsində Qobustan şəhəri, Cəmcəmli, Sündü və Xilmilli kəndlərində ümumilikdə 115 fərdi yaşayış evinə, Yeni tikilən Modul Tipli Xəstəxananın, Mərkəzi Rayon Xəstəxanasının hasarlarına, 1 saylı tam orta məktəbin və 2 saylı uşaq bağçasının zirzəmilərinə, H.Əliyev parkının giriş hissəsinə, 12 vətəndaşın həyətyanı sahəsinin hasarına, 4 ticarət obyektinə, 1 daş sexinə və 12 küçəyə xeyli ziyan vurulub.
Hazırda xüsusi komissiya leysan yağışlarının törətdiyi fəsadları dəqiqləşdirir, bu fəsadların aradan qaldırılması istiqamətində tədbirlər görülür.
Ən çox oxunanlar
Son xəbərlər
