Mahir Emrelidən polşalı azarkeşlərin alqışını qazanan addım .

Millimizin futbolçusu Mahir Emreli Polşa çempionatının "Varta" – "Legiya" oyunundan sonra azarkeşlərin alqışını qazanan addım atıb.
Qanunvehedef.az Oxu.Az-a istinadən xəbər verir ki, futbolçu Poznandakı matçdan sonra "Legiya"nın Mavrikidən olan müdafiəçisi Lindsey Rozun formasını geyinən uşağı qucağına götürərək varşavalı azarkeşlərin qarşısına gətirib.
Həmin azyaşlı da futbolçularla birgə qələbəni qeyd edib.
Onu da bildirək ki, bu matçda "Legiya" 2:0 qalib gəlib. Mahir Emreli bu matçın 75-ci dəqiqəsində portuqaliyalı hücumçu Rafa Lopesin yerinə
meydana daxil olub.