Ronaldo “Qızıl top”un səsverməsində neçənci olub?

Portuqaliya millisinin və “Mançester Yunayted”in futbolçusu Kriştiano Ronaldonun “Qızıl top” üçün səsvermədə neçənci yeri tutduğu məlum olub.
Qanunvehedef.az xəbər verir ki, 37 yaşlı oyunçu səsvermədə 20-ci olub.
Xatırladaq ki, Ronaldo bu mükafatı 5 dəfə - 2008, 2013, 2014, 2016 və 2017-ci illərdə qazanıb. 6 dəfə səsvermədə 2-ci (2007, 2009, 2011, 2012, 2015, 2018), 2019-cu ildə isə 3-cü yeri tutub.
Qeyd edək ki, “Qızıl  top”un builki qalibi Fransa millisinin və “Real”ın forvardı Kərim Benzema qazanıb.