“Qarabağ” üçün millimizin üzvünə “qırmızı” göstərən hakim
Baxılıb: 384 Tarix: 14-02-2023 11:11
UEFA Avropa Konfrans Liqasının pley-off mərhələsinin ilk oyunu çərçivəsində fevralın 16-da, saat 21:45-də Tofiq Bəhramov adına Respublika stadionunda keçiriləcək “Qarabağ” – “Gent” (Belçika) qarşılaşmasının hakimləri açıqlanıb.
Qanunvehedef.az AFFA-ya istinadən xəbər verir ki, “CBC” Sport televiziya kanalı vasitəsilə canlı yayımlanacaq oyunu İsveçdən olan hakimlər briqadası idarə edəcək.
Baş hakim Mohammed Al-Hakim olacaq.
Mohammed Al-Hakim Azərbaycan azarkeşlərinə tanış hakimdir. O, 2019-2020-ci il mövsümündə “Qarabağ”ın İspaniyanın “Sevilya” klubuna qarşı keçirdiyi matçı idarə edib.
İran əsilli İsveçdən olan hakim 2022-2023-cü il mövsümündə Millətlər Liqası çərçivəsində keçirilən Belarus – Azərbaycan oyununda da söz sahibi olub. O, həmin qarşılaşmada yığmamızın üzvü Qismət Alıyevə qırmızı vərəqə göstərib.
Baş hakim: Mohammed Al-Hakim
Baş hakimin köməkçiləri: Fredrik Klyver, Robin Vilde
Dördüncü hakim: Bojan Pandzic
VAR: Bartosz Frankovsk (Polşa)
AVAR: Pavel Pskit (Polşa)
Hakim-inspektor: Uno Tutk (Estoniya)
UEFA nümayəndəsi: Peadar Ryan (İrlandiya)
Ən çox oxunanlar
Son xəbərlər
