“Neftçi” Laurentsiu Regekampfı göndərdi

“Neftçi” Müşahidə Şurasının qərarı ilə əsas komandanın baş məşqçisi Laurentsiu Regekampf, köməkçi məşqçilər – Viorel Dinu, Nikolay Qriqori, fiziki hazırlıq üzrə məşqçi Boqdan-Kornel Merişanu və qapıçılar üzrə məşqçi Florin Tene ilə müqavilələrə qarşılıqlı razılaşma əsasında xitam verilib.
Qanunvehedef.az xəbər verir ki, göstərdikləri xidmətə görə baş məşqçi və köməkçilərinə təşəkkür edilib, gələcək işlərində uğurlar arzulanıb. Yeni baş məşqçi haqqında ictimaiyyətə məlumat veriləcək.
Qeyd edək ki, “Neftçi”nin baş məşqçisi postuna əsas namizəd türkiyəli futbol mütəxəssisi Sergen Yalçındır.
Xatırladaq ki, 2022-ci ilin iyunundan “Neftçi”ni çalışdıran Laurentsiu Regekampf 2022/23 mövsümündə “ağ-qaralar”la Premyer Liqanın bürünc medallarını qazanıb, Azərbaycan Kubokunun finalçısı olub. “Neftçi” rumıniyalı mütəxəssisin rəhbərliyi altında 45 rəsmi oyun keçirib. Bu matçlardan 24-ü flaqmanın qələbəsi, 8-i heç-heçə, 13-ü isə məğlubiyyətlə başa çatıb.

Qanunvehedef.az