“Qazprom”un ixracı 10% azaldı: Son 4 ilin antirekordu

“Qazprom”un xaricə qaz tədarükü 10% azalıb.
Qanunvehedef.az xəbər verir ki, bu barədə şirkətin mətbuat xidməti yayıb.
2020-ci ildə “Qazprom” xaricə 179,3 milyard kub metr qaz ixrac edib, 2019-cu ildə isə bu göstərici 199,2 milyard kub metr olub.
“Qazprom” 2020-ci ildəki nəticənin son dörd ilin antirekordu olduğunu bildirib.
Bununla bərabər “Qazprom” 2020-ci ildə Çinə razılaşma çərçivəsində nəzərdə tutulan qaz həcmini sata bilməyib. Belə ki, keçən il ərzində Çinə minimum 4,25 milyard kub metr qaz tədarük edilməli olsa da, real tədarük 4,1 milyard kubmetr təşkil edib.