UNEC-də Rəqəmsal marketinq sertifikat proqramına start verilib
Baxılıb: 1 019 Tarix: 30-03-2021 12:22
Azərbaycan Dövlət İqtisad Universitetində (UNEC) Rəqəmsal marketinq sertifikat proqramına start verilib.
Proqrama qoşulanlar peşəkar səviyyəyədək rəqəmsal marketinqə aid müasir biliklərə sahib olacaq və proqramın sonunda rəsmi təsdiqlənmiş sertifikat əldə edəcəklər.
2 ay boyunca davam edəcək 48+ saatlıq praktiki proqram beynəlxaq təcrübə əsasında "Dinlə - Öyrən - Tətbiq et" metodu ilə tərtib edilib.
Təlimdən sonra 2 ay boyunca iştirakçılara real icra prosesində mentorluq dəstəyi göstəriləcək. Proqramda rəqəmsal marketinqdə hədəfləmə, ölçmə, Google Ads, Facebook və Instagram reklamları, Re-marketinq texnikaları, Google Analytics, Axtarış Sistemləri Optimizasiyasının (SEO Search Engine Optimization) təməl bilgilərinin əks olunduğu 24-dən çox mövzu əhatə olunub. Online təlim rəqəmsal marketinq üzrə Facebook və Google tərəfindən rəsmi akkreditasiya olmuş mütəxəssis Ramil Cabbarov tərəfindən aparılacaq.
UNEC Rəqəmsal Marketinq Mərkəzinin və Karyera Mərkəzinin rəhbəri olan Ramil Cabbarov hazırda 3 qlobal və 5 yerli şirkətin rəqəmsal marketinq fəaliyyətini həyata keçirir, eləcə də bir sıra şirkət və qurumlara bu istiqamətdə konsultasiya xidməti göstərir.
Rəqəmsal medianın gücündən istifadə etmək istəyən və bu sahəyə maraq duyan hər kəs təlimə qatıla bilər.
Ətraflı məlumat: https://digimark.unec.edu.az/
Qanunvehedef.az
Ən çox oxunanlar
Son xəbərlər
