Avropada təbii qazın qiyməti yenə düşüb

Avropa bazarında təbii qazın qiyməti bu gün 5 faizədək azalıb.
“Report” xəbər verir ki, Londondakı “İCE Futures” birjasında ən böyük onlayn qaz satışı mərkəzi TTF-in mart fyüçersləri 780,5 dollardan 798,6 dollaradək artıb. Ötən günün hesablaşma qiyməti isə 836 dollar təşkil edib.
Xatırladaq ki, Avropanın ən böyük onlayn qaz satışı mərkəzində qazın qiymətləri ötən ilin yazındakı 250-300 ABŞ dollardan oktyabrın əvvəlində 1000 ABŞ dollara, dekabrın 21-də isə tarixi rekord olan 2 190 ABŞ dollaradək artıb. Sonrakı dövrdə isə havaların bir qədər isinməsi, külək elektrik stansiyalarında istehsalın artması, ABŞ-dan LNG idxalı nəticəsində qiymətlər yenidən azalıb.
Ötən ildə qazın bu qədər bahalaşması Asiya bazarında LNG-yə yüksək tələbatla, əsas istehsalçılar tərəfindən təklifin aşağı səviyyəsi, Avropa yeraltı anbarlarında qaz həcminin nisbətən az olması ilə əlaqələndirilir.

Qanunvehedef.azшаблоны для dle 11.2