“Süfrəyə 15-16 növ ərzaq qoyulur, sadəcə israfçılıqdır”

“Demək olar, bütün sahələrdə israfçılıq var. İsrafçılığın qarşısının alınması üçün hökumət tərəfindən tədbirlər planının hazırlanmasına ehtiyac var”.
Qanunvehedef.az xəbər verir ki, bunu Milli Məclisin bu gün keçirilən iclasında Nazirlər Kabinetinin 2021-ci ildə fəaliyyəti haqqında hesabatının müzakirəsi zamanı parlamentin Aqrar siyasət komitəsinin sədri, deputat Tahir Rzayev deyib.
T. Rzayev bildirib ki, toylarda süfrəyə 15-16 növ ərzaq məhsulu qoyulur: “Təbii ki, bunun hamısını yeyə bilmərik. Bu, sadəcə israfçılıqdır. Ümumiyyətlə, digər sahələrdə də belə israfçılığa yol veririk. Hazırda isə dünyanı ən çox narahat edən problemlərdən biri ərzaq təhlükəsizliyidir. Ərzaq qıtlığı artıq bir çox ölkələrdə yaşanır. Ona görə də hökuməti israfçılığın qarşısını almaqla bağlı addımlar atmağa çağırıram”.шаблоны для dle 11.2