“InvestAZ”dan dünya maliyyə bazarları ilə bağlı həftəlik analiz

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR.
Avropa Mərkəzi Bankının iqtisadi hesabatının açıqlanmasından sonra EURUSD məzənnəsi daha da ucuzlaşıb. Təhlillərə əsasən, ucuzlaşma 1.08$-a kimi davam edə bilər.
Bununla yanaşı, cümə günü Bakı vaxtı ilə saat 16:30-da Amerikadan əmək bazarına dair dərc ediləcək önəmli fundamental göstəricilər də investorların diqqət mərkəzindədir. Qeyri-kənd təsərrüfatı sahələrində məşğulların (NFP) sayında aprel ayında da sürpriz göstəricilər yayımlanarsa, dollar indeksi daha da yüksələ bilər.
GBP.
Eyni texniki mənzərə funt sterlinqdə də müşahidə edilir. Dəstək görən dollar fonunda GBPUSD məzənnəsi yenidə ucuzlaşır və 1.31$-a çata bilər.
TRY.
Foreksdə dolların bahalaşması, özünü USDTRY məzənnəsində də göstərir. Bu, tendensiyanın 17TL-yə kimi davam edəcəyini proqnozlaşdırmağa əsas verir.
Cümə axşamı və cümə günü müvafiq olaraq saat 11:00-da Türkiyədən xarici ticarət dövriyyəsi və sənaye sektorunda biznes aktivliyi indeksi açıqlanacaqdır.
OIL.
Enerji birjalarında təklifin artması ilə Brent 116$-a ucuzlaşıb və korreksiyadan sonra növbəti dəfə qırılması ucuzlaşmanın sürətlənməsinə səbəb ola bilər.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD.
FED-in sərt monetar siyasətinə davam etməsi, qızılın da ucuzlaşmasına səbəb olur.  1938$-ın (62.3 $/qram) qırılması ilə bir unsiya üzrə qiymət 1922$-a (61.8 $/qram) kimi dəyər itirə bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Qanunvehedef.azшаблоны для dle 11.2