Gürcüstan bu məhsulların ixracına qadağa qoydu

Gürcüstan hökuməti iyulun 4-dən etibarən yerli istehsal olan buğda və arpanın ixracına qadağa tətbiq etmək barədə qərar qəbul edib.
Qanunvehedef.az “TASS”a istinadən xəbər verir ki, bu barədə məlumatı Gürcüstanın Ətraf Mühitin Mühafizəsi və Kənd Təsərrüfatı Nazirliyi yayıb.
Məlumata görə, buna səbəb ölkə daxilində bu məhsulların qıtlığının qarşısını almaqdır.
Sözügedən qadağa 2023-cü ilin iyulun 4-nə qədər qüvvədə olacaq.
Ətraf mühitin mühafizəsi və kənd təsərrüfatı naziri Otar Şamuqiyanın sözlərinə görə isə, ixraca qoyulan qadağa qarğıdalıya da şamil olunacaq. O həmçinin qeyd edib ki, hazırda Gürcüstandan arpa İraq və İrana ixrac olunur.