“InvestAZ”dan dünya maliyyə bazarları ilə bağlı həftəlik analiz

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR.
Ötən həftə “FOMC”-un son toplantısının protokollarının dərcindən sonra Federal Ehtiyatlar Sisteminin sərt monetar siyasətini davam etdirəcəyinə dair ehtimalların daha da artması dollar indeksinin 107 bənd hədlərinin üzərinə yüksəlməsinə səbəb oldu. Nəticədə dollar major valyutalar qaşısında kəskin bahalaşdı.  Bu həftə Amerikanın iqtisadi inkişaf səviyyəsinə dair açıqlanacaq statistik rəqəmlər dollar indeksində tendensiyanın davam edib etməyəcəyində həll edici roll oynaya bilər. Təhlillərə əsasən, dollar indeksindəki yüksəliş davam edərsə, EURUSD məzənnəsi 0.9800 hədlərinə qədər ucuzlaşa bilər.
GBP.
GBPUSD məzənnəsi də ötən həftə dollar qarşısında kəskin dəyər itirdi. Dollar indeksindəki  tendensiya davam edəcəyi təqdirdə GBPUSD məzənnəsindəki eniş tendensiyası daha da kəskinləşə bilər.
Bu həftə Almaniyada, Avrozonada, İngiltərədə və Amerikada açıqlanacaq biznes aktivliyi indeksi, Həmçinin Almaniya və ABŞ-da iqtisadi inkişaf səviyyəsinə dair önəmli makroiqtisadi göstəricilər investorların diqqət mərkəzində olacaqdır.
TRY.
Ötən həftə TCMB-nin faiz endirimindən sonra bu ilin maksimumlarını teste edən USDTRY məzənnəsində artım tendensiyası davam edir. 18.11TL həddi qırılacağı təqdirdə qiymətin 18.29TL-yə qədər bahalaşacağı ehtimal olunur.
OIL.
Ötən həftənin son ticarət günündə iki dəfə 99$ hədlərinə qədər bahalaşsa da, “Brent” nefti burada müqavimət səviyyəsini qırmaqda çətinlik çəkir. “Buğaların” bütün cəhdlərinə baxmayaraq eniş trendi hələ də davam edir. 96$-lıq dəstək səviyyəsi qırılacağı təqdirdə, OİLUK-in bir barel üzrə qiyməti 92$-a kimi ucuzlaşa bilər.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD.
 FED-in faiz artımlarını davam etdirəcəyi yönündə gələn siqnallar və bahalaşan dollar fonunda qızıl ötən həftəni enişlə tamamladı. Dollar indeksindəki yüksəliş davam edərsə, qızıl 1725$-a (55.46$/qram) kimi ucuzlaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Qanunvehedef.azшаблоны для dle 11.2