İlon Mask yenidən dünyanın ən varlı şəxsi oldu

Amerikalı sahibkar, “Tesla” və “SpaceX” şirkətlərinin rəhbəri İlon Mask dünyanın ən varlı insanları siyahısında yenidən ilk pilləyə yüksəlib.
Qanunvehedef.az xəbər verir ki, bu barədə məlumat “Bloomberg Billionaires Index” (BBI) reytinqində yer alıb.
Məlumata görə, Maskın sərvəti 192 milyard dollar təşkil edir.
Reytinqin ikinci pilləsində isə “LVMH” şirkətinin sahibi Bernar Arno qərarlaşıb. Onun sərvəti isə 187 milyard dollar olaraq qiymətləndirilir.
Üçüncü yerdə isə 144 milyard dollar sərvətlə “Amazon” şirkətinin təsisçisi Ceff Bezos, dördüncü pillədə isə 125 milyard dollar kapitalla “Microsoft”un yaradıcısı Bill Qeyts qərarlaşıb.