Azərbaycan Qazaxıstanla bu sahədə strateji tərəfdaşlıq edəcək
Azərbaycan və Qazaxıstan energetika sahəsində strateji tərəfdaşlıq edəcək.
Qanunvehedef.az xəbər verir ki, bu, Prezident İlham Əliyevin “Azərbaycan Respublikası Hökuməti ilə Qazaxıstan Respublikası Hökuməti arasında energetika sahəsində strateji tərəfdaşlıq haqqında Saziş”in təsdiq edilməsi barədə Fərmanında öz əksini tapıb.
Sənədə əsasən, 2025-ci il oktyabrın 21-də Astanada imzalanmış “Azərbaycan Respublikası Hökuməti ilə Qazaxıstan Respublikası Hökuməti arasında energetika sahəsində strateji tərəfdaşlıq haqqında Saziş” təsdiq edilib.
Fərmanda göstərilən Saziş qüvvəyə mindikdən sonra Azərbaycan Energetika Nazirliyi onun müddəalarının həyata keçirilməsini təmin etməli, Xarici İşlər Nazirliyi isə Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Qazaxıstan hökumətinə bildiriş göndərməlidir.
Qanunvehedef.az
