"Ölümdən heç qorxmadınmı?" - Xərçəngdən əziyyət çəkən Zülfiyyə

"Gözlərinin dərinliyində kədər axtardım, nə vaxt baxdımsa xoşbəxtlik gördüm".
Bu sözləri xərçəng xəstəliyi ilə mübarizə aparan tanınmış vəkil Zülfiyyə Bayramova deyib. O, sosial şəbəkədə foto paylaşaraq bunları qeyd edib:
"Bu gün səninlə dərdləşmək istədim. Əllərindən tutdum, buz kimi idi. Gözlərinə baxıb səbəbini soruşmaq istədim, gözlərindəki istilik o buzu əritdi. Gözlərinin dərinliyində kədər axtardım, nə vaxt baxdımsa xoşbəxtlik gördüm. Niyə heç ağlamdın deyə soruşdum. Ağlayacam, o şad xəbəri verəndə ağlayacam dedin. Niyə üçün heç solmadı soruşdum. Allah mənə elə güc verdi ki, o güc nura çevrilib üzümə yayıldı edin. Heçmi qorxmadın dedim. Qorxu hissimi illər öncə dağlarda dəfn etmişəm, yerini belə unutmuşam dedin. Bəs ölümdən necə, heçmi qorxmadın soruşdum. İnsan sevdiyinin görüşünə getməkdən qorxmaz dedin. yerdəki sevdiklərini qoyub göydəki sevdiyinin yanına getmək darıxdırmazmı səni? Böyük sevginin qarşısında kiçik sevgilər unudulur dedin. Üzündə bir təbəssüm yaarandı, saçsız halım daha gözəldir dedin".