“Atasığorta”nın İdarə Heyətinə yeni sədr təyin edilib
Baxılıb: 931 Tarix: 10-05-2019 11:30
“Atasığorta” ASC-nin səhmdarlarının növbədənkənar ümumi yığıncağının qərarı ilə, şirkətin İdarə Heyəti (İH) sədrinin I müavini Orxan Məmmədov sədr təyin edilib.“Report” xəbər verir ki, o, bu vəzifədə, bu gündən əmək fəaliyyətini Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-nin maliyyə direktoru kimi davam etdirən Müseyib Əliyevi əvəz edib.
O.Məmmədovun indiyə qədər tutduğu vəzifə isə İH sədrinin müavini Qoşqar Həsənova həvalə olunub.
Xatırladaq ki, “Atasığorta” 2004-cü ildən fəaliyyət göstərir, “AtaHolding” MMC-yə daxildir. Şirkətin səhmləri 100% adı çəkilən holdinqə məxsusdur.
Ən çox oxunanlar
Son xəbərlər
