Mingəçevirdə yaşadığı evi tərk edən koronavirus xəstəsinə cinayət işi açıldı
Baxılıb: 571 Tarix: 23-07-2020 12:44
Mingəçevir şəhər polis şöbəsinin əməkdaşları şəhərin inzibati ərazisində yaşadığı evi qanunsuz olaraq tərk edən aktiv koronavirus xəstəsi aşkarlayıblar.
Bu barədə Qanunvehedef.az-a Daxili İşlər Nazirliyinin mətbuat xidmətinin Şəki regional qrupundan bildirilib.
Məlum olub ki, koronavirus testinin nəticəsi pozitiv çıxan şəhər sakini Yaqub Rəhimov ev şəraitində müalicə alsa da, ancaq o, qaydaları pozaraq yaşadığı ünvanı tərk edib.
Dərhal şəhər ərazisində onun olduğu əraziyə həkim briqadası dəvət edilib.
Həmin şəxs təcili tibbi yardım avtomobilinə mindirilərək yaşadığı ünvana aparılıb.
Mingəçevir şəhər polis şöbəsində Yaqub Rəhimov barəsində Azərbaycan Respublikası Cinayət Məcəlləsinin 139.1-1-ci maddəsi ilə cinayət işi başlanılıb və o, polis nəzarətinə götürülüb.
Əlaqədə olduğu şəxslərin müəyyən edilməsi istiqamətində tədbirlər davam etdirilir.
Ən çox oxunanlar
Son xəbərlər
