Qanunsuz balıq ovlayan daha 5 nəfər cəzalandırıldı
Baxılıb: 477 Tarix: 22-06-2023 09:55
Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Mingəçevir Su Anbarında və Xəzər dənizinin Lənkəran şəhəri akvatoriyasında qanunsuz balıq ovlayan şəxslər saxlanılıb.
Qanunvehedef.az-ın məlumatına görə, Xidmət rəsmisi Bəhruz Məhəmmədov bildirib ki, araşdırma zamanı balıq ovlayan şəxslərin Mingəçevir şəhər sakinləri Məmmədcan Məmmədov, Fərrux Səmədov, Abil Abdurəhmanov, Lənkəran rayon sakinləri Mail Əhmədov, Rəsul Əzizov olduğu müəyyən edilib və onlardan istifadəsi qadağan olunmuş ov alətləri götürülüb.
Faktlarla bağlı qanun pozucuları barəsində protokol tərtib olunub və qanunamüvafiq tədbirlər görülüb.
Qanunvehedef.az
Ən çox oxunanlar
Son xəbərlər
