Liberman: Ermənilər savaşı bunun üçün başladıb
Baxılıb: 916 Tarix: 17-07-2020 10:20
Sizin qonşularınızın öz daxili siyasi hədəflərini təqib edərək şiddəti eskalasiya etməsi ilk dəfə deyil.
Qanunvehedef.az xəbər verir ki, bunu İsrailin keçmiş Müdafiə naziri, Bizim Ev İsrail Partiyasının sədri Aviqdor Liberman “Haqqin.az”a müsahibəsində deyib.
“Mən keçmiş müdafiə naziri kimi situasiyanı strategiya və taktika baxımından analiz edirəm. Ona görə də sonuncu faciəvi hadisələr haqqında danışarkən onu deyə bilərəm ki, təcrübəm və biliyim mənə baş verənlər barədə dəqiq görüntü cızmağa imkan verir. Bilirəm ki, Tovuz rayonu gərginlik episentri olan Dağlıq Qarabağdan nə qədər uzaqda yerləşir. Mən Ermənistandakı siyasi qeyri-stabillik, koronavirusla bağlı vəziyyət haqqında məlumatlıyam. Sizin qonşularınızın öz daxili siyasi hədəflərini təqib edərək şiddəti eskalasiya etməsi ilk dəfə deyil. Mən analoji situasiyanın 2016-cı ilin aprelində baş verdiyini xatırlayıram”, – deyə o bildirib.
O, İsrailin Azərbaycanın ərazi bütövlüyünü tanıdığını və Qarabağla bağlı danışıqların danışıqlar xətrinə aparılmaması gərəkdiyini söyləyib.
Ən çox oxunanlar
Son xəbərlər
