Zelenski müharibədən sonrakı ilk səfərini ABŞ-a edəcək

Ukrayna prezidenti Vladimir Zelenskinin ölkəsində müharibə başlayandan bəri ilk xaricə səfərini ABŞ-a edəcək.
Qanunvehedef.az xəbər verir ki, ABŞ mətbuatında yer alan məlumata görə Zelenskinin ABŞ Konqresinin birgə iclasında iştirak etmək və Ağ Evdə ABŞ prezidenti Co Baydenlə görüşmək üçün Vaşinqtona gələcəyi gözlənilir.
Mövzu ilə bağlı Anadolu Agentliyinə (AA) danışan mənbələr səfərin təsdiqlənmədiyini və təhlükəsizlik şəraitindən asılı olacağını bildirib.
Digər tərəfdən, Ağ Evin Ukraynaya hərbi yardımın məzmununu sabah açıqlayacağı gözlənilirdi. Bu yardımların arasında Patriot hava hücumundan müdafiə sistemlərinin olub-olmayacağı maraq doğururdu.